Skemmtilegt og lærdómsríkt samstarf við Kötlu jarðvang

Í síðustu viku var samstarfsverkefni okkar við Kötlu jarðvang í fullum gangi. Markmiðið er að tengja námið beint við náttúruna og nýta nýjustu tækni til rannsókna í okkar nánasta umhverfi.

Miðstigið lagði land undir fót og heimsótti Landbrotshóla í síðustu viku. Þar fengu nemendur spennandi tækifæri til að spreyta sig á GPS-staðsetningartækjum til að mæla staðsetningu nokkurra hóla á svæðinu. Samhliða mælingunum mynduðu þeir umhverfið  og lærðu margt nýtt um þetta einstaka landslag.

Elsta stigið lét sitt ekki eftir liggja en í þessari viku var farið niður að bakka Skaftár. Þar voru drónar notaðir til að taka myndir af ánni úr lofti. Þessar myndir voru síðan nýttar til að rannsaka rof Skaftár og greina hvernig landið hefur breyst.

Það var sannarlega unun að sjá hversu áhugasamir nemendur voru við þessi hagnýtu verkefni. Svona útikennsla eflir samvinnu og veitir dýrmæta innsýn í náttúrufræði og tækni.