Myndasafn nemenda & viðburða

Miðvikudaginn 11.2.2026 kl. 11:00 fara viðbragðsaðilar í Skaftárhreppi saman á bláljósa akstri frá slökkviliðsstöðinni Iðjuvöllum að Kirkjubæjarskóla á Síðu þar sem nemendur fá að skoða búnað og fá fræðslu um starfsemi neyðar- og viðbragðsaðila. Heimsókninni líkur kl. 12:00 en þá fer hópurinn í heimsókn í leikskólann Kærabæ

Morguninn 10. desember fóru nemendur í vasaljósagöngu um ævintýraskóginn. Nemendur tóku þátt í jólasveina bingó í hópum og söngu. Að lokum hengdu þau upp skraut sem þau höfðu föndrað á Skaftárstofu.

Haustferð nemenda fór fram í blíðskaparveðri síðastliðinn miðvikudag og tókst einstaklega vel. Ferðin hófst með viðkomu í Tunguseli þar sem hópurinn naut morgunhressingar í fallegu umhverfi. Þaðan hélt hópurinn inn á Álftaversafrétt, þar sem heimamenn úr hópi nemenda sýndu framúrskarandi leiðsöguhæfileika. Nemendur úr Álftaveri miðluðu af þekkingu sinni sögum af Kötlugosum og þjóðsögunni um Bárð og Kötlu, sem vakti mikla athygli samnemenda. Þau sýndu einnig góða þekkingu á nærumhverfinu og bentu á helstu kennileiti eins og Hafursey, Rjúpnafell, Sandfell og Kötlujökul. Við Hólmsárfoss átti hópurinn notalega stund, þar sem nemendur nutu náttúrufegurðar, tóku þátt í skemmtilegum leikjum og snæddu hádegisverð saman. Ferðinni lauk með heimsókn að Laufskálavörðu, þar sem hópurinn naut fjallasýnar og nesti. Sérlega ánægjulegt var að sjá hvernig nemendur miðluðu þekkingu sín á milli og sýndu áhuga á náttúru og sögu svæðisins.

Hönnun og smíði 1.-4. bekkur 2025-2026

Samfélags- og náttúrufræði 1.-4. bekkur

Á föstudaginn var bóndadagur. Við borðuðum öll saman góðan þorramat og var honum gerð góð skil. Eftir matinn fóru allir í íþróttahúsið og nutum þess að sjá nemendur okkar dansa með okkur og foreldrum – gaman saman.

Í dag hélt 1. bekkur 100 daga hátíð þar sem þau eru búin að vera 100 daga í grunnskóla. Hátíðin tókst vel hjá það voru unnin fjölbreytt verkefni sem öll tengjast tölunni hundrað og talningu á tugum. Nemendur útbjuggu m.a. hálsmen úr 100 Cheerios og Weetos hringjum, kórónur með tölustöfunum 100 og jafnvel 100 hjörtum! Það var opnaður nammibar í stofunni þar sem voru 10 tegundir af gotti. Hver og einn fékk að taka 10 gott af hverri tegund en 10 x 10 gefur 100 gott! Að lokum teiknuðu nemendur mynd af sér 100 ára og skrifuðu í sameiningu 100 algengustu orðin 🙂Rosa gaman!!

Viðbragðsaðilar hér í Skaftárhreppi tóku svo sannarlega þátt í 112 deginum í sinni heimabyggð og komu til okkar í Kirkjubæjarskóla. Slökkvilið Skaftárhrepps, Björgunarsveitin Kyndill, Björgunarsveitin Stjarnan, Sjúkrabíllinn og Lögreglan. Nemendur voru ánægðir með að fá kynnast starfsemi þessara aðila og skemmtu sér mjög vel. Takk allir sem komu og gerðu daginn að veruleika.

Myndir frá stöðvarvinnu

Myndir af verkefni nemenda