Tilkynning frá Kirkjubæjarskóla
Tilkynning frá Kirkjubæjarskóla á Síðu – 30/04/2020
Frá og með mánudeginum 4. maí verður skólastarf með eðlilegum hætti og kennt samkvæmt stundaskrá.
Íþróttir, sund, list- og verkgreinar, matartímar, frímínútur, gæsla ( Frístund) og allt annað sem hefur verið með breyttu sniði fellur að mestu í eðlilegt horf. Breytingar verða þó gerðar á kennslu í verkgreinum en tónmennt verður á sínum stað.
Það eina sem breytist ekki er að starfsfólk þarf að virða tveggja metra regluna eins og frekast er unnt og að sama skapi munum við halda gestakomum í skólann í algeru lágmarki.
Reglan um tveggja metrar fjarlægð á nú aðeins við um fjarlægð milli fullorðinna. Skv. samkomubanni sem tekur gildi 4. maí er ekki heimilt að fleiri en 50 fullorðnir komi saman í sama rými og þá með 2ja metrar fjarlægð. Vordagar, vorhátíð og skólaslit verða því með breyttum hætti þ.e. án aðkomu foreldra.
Áfram höldum við með handþvott og sprittun, takmörkum á leikfanganokun á yngsta stigi og virðum ákvæði um almennar sóttvarnir og þrif.
Nemendur sem eru í skilgreindum áhættuhópum venga Covid-19 haldi sig heima ef ráðlegginar læknis eru á þann veg.
Börn með kvef-eða flensueinkenni komi ekki í skóla.
Ef brýnar ástæður eru til geta foreldrar sótt um leyfi til skólastjóra fyrir börn sín frá skólasókn. Slíkar beiðnir skulu vera skriflegar og þar staðfesta foreldrar að þeir beri fulla ábyrgð á námi nemenda á meðan á leyfi stendur.