Upplestrarkeppni

Fimmtudaginn 26. febrúar ríkti hátíðarstemning í skólanum þegar Upplestrarhátíð  fór fram. Allir nemendur á miðstigi tóku þátt í þessum flotta viðburði sem tókst í alla staði mjög vel. Það var virkilega ánægjulegt að fylgjast með krökkunum okkar, en þau sýndu öll miklar framfarir í upplestri og örugga framkomu á sviði.

Dómnefndin átti í miklum erfiðleikum með að velja tvo fulltrúa úr 7. bekk, enda var lesturinn hjá öllum hópnum til mikillar fyrirmyndar. Eftir vandaða ígrundun voru þær Sóley Mist Baldursdóttir og Signý Heiða Þormarsdóttir valdar til að vera fulltrúar skólans í stóru upplestrarkeppninni „Röddin“. Sú keppni verður haldin hátíðleg á Hótel Höfðabrekku þann 14. apríl næstkomandi. Til vara var valinn Jóhannes Birgir Örvarson, sem stóð sig sömuleiðis mjög vel.

Við viljum koma á framfæri sérstökum þökkum til dómnefndarinnar fyrir þeirra framtak, en hana skipuðu þau Fanney Ásgeirsdóttir, Þórunn Júlíusdóttir og Ingimar Helgason.

Við erum ákaflega stolt af öllum okkar nemendum sem tóku þátt. Þeir sýndu metnað og dugnað sem er skólanum til mikils sóma. Við óskum Sóleyju, Signýju og Jóhannesi innilega til hamingju með árangurinn og hvetjum alla nemendur til að halda áfram að rækta með sér lestraránægju og þor til að koma fram.