Stóra upplestrarkeppnin

Eins og fram hefur komið var haldin upplestrarkeppni í Kirkjubæjarskóla þann 29. apríl sl. þar sem nemendur í 7. bekk tóku þátt en keppnin var undanfari Stóru upplestrarkeppni skóla á Suðulandi. Dómnefnd keppninnar skipuðu þau Rannveig Bjarnadóttir, Sveinn Hreiðar Jensson og Sverri Gíslason og þökkum við þeim enn og aftur kærlega fyrir störf sín.

Það kom í hlut þeirra Péturs Yngva Davíðssonar og Þráins Elís Björnssonar að keppa fyrir hönd skólans í lokakeppninni í Vestmannaeyjum.

Þann 13. maí hélt spenntur hópur drengja úr 7. bekk ásamt Sólveigu kennara til Eyja í blíðskapar veðri. Þegar komið var á áfangastað forfallaðis Pétur Yngvi og hljóp Kjartan Valur Ólafsson í skarðið. Þátttakendur voru 13 talsins og stóðu þeir sig allir með eindæmum vel og ber að hrósa þeim öllum fyrir dugnað við undirbúning og hugrekkið sem það krefst að stíga á stokk fyrir framan áhorfendur og dómnefnd.

Eftirminnileg og góð ferð í alla staði.