112 dagurinn

Hópmynd við slökkviliðsbílinn
Hópmynd við slökkviliðsbílinn

Í gær var 112-dagurinn haldinn um allt land, en að þessu sinni er sjónum beint að öryggi fólks í umferðinni. 112 er samræmt neyðarnúmer Evrópu og er dagurinn haldinn víða um álfuna til að minna á að aðeins þarf að kunna þetta einfalda númer til þess að fá aðstoð í neyð. 

Fólk er sérstaklega varað við því að nota síma og önnur snjalltæki undir stýri, enda sýna rannsóknir að þeir sem hafa hugann við slík tæki í akstri eru margfalt líklegri en aðrir til að valda umferðarslysum. Samstarfsaðilar 112-dagsins hvetja jafnframt þá sem ganga og hjóla til að nota endurskin og vera þannig vel sýnilegir öðrum vegfarendum. 

Viðbragðsaðilar á Klaustri mættu með bíla sína og tæki á bílaplanið við Kirkjubæjarskóla og fengu nemendur og starfsfólk að skoða og kynna sér búnað sem nauðsynlegur er til að sinna útköllum og aðstoða í neyð. 

 Kærar þakkir fyrir heimsóknina góða fólk og takk fyrir að standa vaktina fyrir okkur öll!

Bílaflotinn

 Framtíðar sjúkraflutingamenn