Kirkjubæjarskóli

Árshátíð Kirkjubæjarskóla verður haldin föstudaginn 13. mars í félagsheimilinu Kirkjuhvol klukkan 13:00. Þema árshátíðarinnar er íslenskar þjóðsögur og ævintýri og atriði eru unnin af nemendum við leik- og grunnskóla. Aðgangseyrir á árshátíð er 1000.- krónur fyrir fullorðna en frítt fyrir 16 ára og yngri, ágóðinn rennur í viðburði nemenda. Ekki verður hægt að taka við kortum. Að árshátíð lokinni verður hátíðarkaffi í matsal grunnskólans.

Fimmtudaginn 26. febrúar ríkti hátíðarstemning í skólanum þegar Upplestrarhátíð fór fram. Allir nemendur á miðstigi tóku þátt í þessum flotta viðburði sem tókst í alla staði mjög vel. Það var virkilega ánægjulegt að fylgjast með krökkunum okkar, en þau sýndu öll miklar framfarir í upplestri og örugga framkomu á sviði.